عام / شقة الخالدية / سلسلة من داخل الخلية / حلقة تلفازية خاصة

الثلاثاء 1428/5/5 هـ الموافق 2007/05/22 م واس
  • Share on Google+

اضافة اولى
( المعلق - 1 )
من جوار بيت الله الحرام .. جموع يتوجهون بسلام وطمأنينة للصلاة ويطلبون رحمة المولى وآخرون في ظلام الليل يخططون للفتنة والفساد.
كيف أضلهم الشيطان .. ؟
من هم وما أهدافهم ؟
وكيف كانوا يخططون ؟
هذه قصة خلية شقة الخالدية التي روعت حياة الآمنين في مكة المكرمة كما يرويها بعض المتورطين من أعضاء الخلية وبعض شهود العيان .
1 - عليان معيض الصبيحي .
أنا جيت من القصيم وقابلت محمد الوافي اللي مات في القصيم وقلت له فيه شباب جايين قال لي طيب خلاص على انهم أحمد وعادل وعبدالرحمن قلت نبي نستأجر لهم شقة هنا شباب مطلوبين قال لي طيب خلاص اتصل علي تراوي وجاء تراوي وقال لي خلاص وجاؤا هنا في منطقة هدي الشام وراح لهم تراوي وقابل أحمد ورحنا لشقة في الخالدية في مكة .
2 - عامر الصاعدي .
جابني عبدالرحمن التراوري في شقة الخالدية في مكة المكرمة قال لنا فيه شيخ جاي من الرياض فيه دورة تعالوا احضروها دورة شرعية من الكلام هذا.
3 - خالد علي طاهر - تشادي .
قالوا لي تطلع في جهاد خارج المملكة قلت لهم وين قالوا خارج المملكة قلت لهم بس وين قالوا إلى العراق قلت طيب إن شاء الله رجعنا البيت وأخذت أغراضي والهوية وطلعنا مع بعض .
4 - علي عيسى عمر - تشادي .
قال لي تعال ايش اسمه تعال مكة على أساس في ناس يطلعونك بره على الجهاد في العراق اتصلت على يزيد وشباب أصحابي خمسة طلعنا وجينا مكة .
5 - خالد الفراج .
أحمد الدخيل هذا كان متزعم اللجنة الشرعية في خلية مكة في شقة الخالدية أيضا كان معهم رجل أبو عبدالله تراوي مالي الجنسية .
6 - ابن مالك العمارة .
قال عريس وما عنده أطفال وهذا وسوينا عقد الإيجار واتفقنا على المبلغ .

7 - مالك العمارة :
استأجر على أساس أنه عريس جاب عفشه .. عريس وبس ما نعلم أيش اللي يصير الناس طالعين .. نازلين وبعدين مستأجر العمارة فوق فيه شقق كثير ، وما أحد يعلم .. يعني أيش الفرق السيب هذا الطاقة قريبة على الطاقة ما في أحد يشوف شي .
8 - ابن المالك :
بس ما كنا نلاحظ حاجات حتى خروجهم في الصباح وآخر الليل يعني الأوقات اللي ما كان فيها أحد في الشارع .
9 - مالك العمارة :
هو يجي البقالة وأشوفه ومعاه حرمته في السيارة ويدخل البقالة يقضي.
10 - أحد الجيران ( 1 ) :
بعض منهم لابسين لبس حريم كأنهم جايين بعائلة بيستأجرون المحل هذا.
11- أحد الجيران ( 2 ) :
لا والله ما أعرف ولا أحد منهم ولا شفت أحد يصلي منهم كل المجموعين هناك قالوا آخر ما شافوهم معاهم صواني على رؤوسهم تقول هذا رز ولحم وأثر ما فيها شي بس كذا حاطينها عيرة ما فيها إلا سلاح ودخلوا بيها عليهم.
12 - إمام المسجد :
أعرف المصلين في مسجدي واحنا بيننا ترابط عجيب ولكن هؤلاء الشباب لم أرهم قط دخلوا المسجد .
( المعلق )
وفي شقة الخالدية اجتمع أهل الشر من قادة التنظيم لتضليل المتورطين بلي أعناق النصوص وتسهيل تكفير المجتمع وإضفاء المشروعية على الأعمال الآثمة التي كانوا ينوون القيام بها .
ترى كيف فعلوا ذلك ؟
وماذا يقول من غسلت أدمغتهم ؟
وكيف كانت حياتهم داخل الخلية وماذا كانوا يفعلون ؟
13 - خالد علي طاهر - تشادي .
دخلنا جوة الشقة وفتح شخص الباب وفي يده سلاح في الصالة قبل ما نخش جوه الصالة شايفين مجموعة شباب جوة بعدين مشى على الصالة وصلينا العشاء في الصالة بعدين قالوا تفضلوا شوية دخلنا جوة وجدنا شباب تشاديين وسعوديين زي كذه .
// يتبع // 2246 ت م